|
|
Page:9
מ ב ו א מסכת קידושין 9 ויענו בני יעקב את שכם ואת חמור אביו במרמה וידברו אשר טמא את דינה אחתם . ויאמרו אליהם לא נוכל לעשות הדבר הזה לתת את אחתנו לאיש אשר לו ערלה כי חרפה הִוא לנו . אך בזאת נאות לכם אם תהיו כמנו להמל לכם כל זכר . ונתנו את בנתינו לכם ואת בנתיכם נקח לנו וישבנו אתכם והיינו לעם אחד . ואם לא תשמעו אלינו להמול ולקחנו את בתנו והלכנו . וייטבו דבריהם בעיני חמור ובעיני שכם בן חמור . עבד עברי פסוקים נוספים : דברים כ"ד, א - ד ; שמות כ"א ז - יא ; שמות כ"ב טו - טז שמות כ"א, א - יא ואלה המשפטים אשר תשים לפניהם . כי תקנה עבד עברי שש שנים יעבד ובשבעת יצא לחפשי חנם . אם בגפו יבא בגפו יצא אם בעל אשה הוא ויצאה אשתו עמו . אם אדניו יתן לו אשה וילדה לו בנים או בנות האשה וילדיה תהיה לאדניה והוא יצא בגפו . ואם אמר יאמר העבד אהבתי את אדני את אשתי ואת בני לא אצא חפשי . והגישו אדניו אל האלהים והגישו אל הדלת או אל המזוזה ורצע אדניו את אזנו במרצע ועבדו לעלם . וכי ימכר איש את בתו לאמה לא תצא כצאת העבדים . אם רעה בעיני אדניה אשר ( לא ) [ לו ] יעדה והפדה לעם נכרי לא ימשל למכרה בבגדו בה . ואם לבנו ייעדנה כמשפט הבנות יעשה לה . אם אחרת יקח לו שארה כסותה וענתה לא יגרע . ואם שלש אלה לא יעשה לה ויצאה חנם אין כסף .
|
|
|