|
|
Page:8
מ ב ו א 8 מסכת קידושין ויהי כאשר שמע עבד אברהם את דבריהם וישתחו ארצה לה' . ויוצא העבד כלי כסף וכלי זהב ובגדים ויתן לרבקה ומגדנת נתן לאחיה ולאמה . ויאכלו וישתו הוא והאנשים אשר עמו וילינו ויקומו בבקר ויאמר שלחֻני לאדני . ויאמר אחיה ואמה תשב הנערָ אתנו ימים או עשור אחר תלך . ויאמר אלהם אל תאחרו אתי וה' הצליח דרכי שלחוני ואלכה לאדני . ויאמרו נקרא לנערָ ונשאלה את פיה . ויקראו לרבקה ויאמרו אליה התלכי עם האיש הזה ותאמר אלך . וישלחו את רבקה אחתם ואת מנקתה ואת עבד אברהם ואת אנשיו . ויברכו את רבקה ויאמרו לה אחתנו את היי לאלפי רבבה ויירש זרעך את שער שנאיו . ותקם רבקה ונערתיה ותרכבנה על הגמלים ותלכנה אחרי האיש ויקח העבד את רבקה וילך . ויצחק בא מבוא באר לחי ראי והוא יושב בארץ הנגב . ויצא יצחק לשוח בשדה לפנות ערב וישא עיניו וירא והנה גמלים באים . ותשא רבקה את עיניה ותרא את יצחק ותפל מעל הגמל . ותאמר אל העבד מי האיש הלזה ההלך בשדה לקראתנו ויאמר העבד הוא אדני ותקח הצעיף ותתכס . ויספר העבד ליצחק את כל הדברים אשר עשה . ויבאה יצחק האהלה שרה אמו ויקח את רבקה ותהי לו לאשה ויאהבה וינחם יצחק אחרי אמו . בראשית ל"ד, ח - יח וידבר חמור אתם לאמר שכם בני חשקה נפשו בבתכם תנו נא אתה לו לאשה . והתחתנו אתנו בנתיכם תתנו לנו ואת בנתינו תקחו לכם . ואתנו תשבו והארץ תהיה לפניכם שבו וסחרוה והאחזו בה . ויאמר שכם אל אביה ואל אחיה אמצא חן בעיניכם ואשר תאמרו אלי אתן . הרבו עלי מאד מהר ומתן ואתנה כאשר תאמרו אלי ותנו לי את הנערָ לאשה .
|
|