|
|
בעת ההיא דבר ה' אל משה לשלוח שנים עשר אנשים , איש מבני ישראל איש אחד לשבט , ללכת לתור את ארץ כנען . וישלח אותם משה , שנים עשר איש , וילכו ארצה כנען לרגלה ולחקרה , ויתורו את כל הארץ ממדבר סין עד רחוב לבוא חמת . ויבואו אל משה ואל אהרן מקץ ארבעים יום , וישיבו אותם דבר כאשר היה עם לבבם . ויוציאו עשרת האנשים דיבה על הארץ אשר תרו אותה אל בני ישראל לאמר , טוב לנו שוב מצרימה מלכת אל הארץ הזאת , כי ארץ אוכלת יושביה היא . ויהושע בן נון וכלב בן יפונה היו מן התרים את הארץ , אמרו : טובה הארץ מאד מאד , אם חפץ בנו ה' והביא אותנו אל הארץ ההיא ונתנה לנו כי ארץ זבת חלב ודבש היא . ולא שמעו אליהם בני ישראל וישמעו אל דברי עשרת האנשים אשר הוציאו דיבה על הארץ . וישמע ה' את תלונות בני ישראל , ויקצוף וישבע לאמר , אם יראה איש מן הדור הרע הזה את הארץ מבן עשרים שנה ומעלה כי אם כלב בן יפונה ויהושע בן נון , אם לא במדבר הזה יתמו הדור הרע הזה ובניהם , הם יבואו אל הארץ והם יירשוה . ויחר אף הי בישראל ויניעם במדבר ארבעים שנה עד תום כל הדור הרע אשר לא מלאו אחרי . 'ה וישב העם במדבר פארן ימים רבים ואחר נסעו המדברת דרך ים ס...
To the book |
|
|