|
|
וישלח יעקב בעת ההיא מלאכים אל עשו אחיו ארצה שעיר לקראתו לדבר אליו דבר תחנונים . ויצו אותם לאמר : כה תאטרון לאדוני לעשו , כה אמר עבדך יעקב , אל יחשוב אדוני כי עמדה לי ברכת אבי אשר ברך אותי , כי עם לבן הייתי זה עשרים שנה וירמני ויחלף את משכורתי עשרת מונים בכל אשר הוגד לאדוני . ואעבוד אותו בביתו עבודה קשה מאד , וירא אלהים עניי ועמלי ויגיע כפי אחרי כן , ויתנני לרחמים ולחן בעיניו . ויהי לי שור וחמור , צאן ועבד ושפחה , אחרי כן , מחמלת אלהים עלי ומחסרו הגדול . ועתה הנני באתי אל ארצי ואל מקומי אל אבי ואל אמי אשר בארץ כנען . ושלחתי להגיר את כל אלה לאדוני למצוא חן בעיניו למען אשר לא יחשוב אדוני כי קניתי חיל או עמדה לי ברכת אבי אשר ברך אותי . וילכו המלאכים ההם אל עשו וימצאו אותו בקצה ארץ אדומ הולך לקראת יעקב ועמו ארבע מאות איש שולף חרב מבני שעיר החורי . ויגידו מלאכי יעקב לעשו את כל דברי יעקב אשר דבר אליהם אל עשו , ויען עשו אותם בגאוה ובוז ויאמר אליהם : הלא שמעתי והלא הוגד לי את אשר עשה יעקב אל לבן , אשר גדלו בביתו ויתן לו את בנותיו לנשים ויולד בנים ובנות ויפרוץ בחיל ובעושר מאד בבית לבן מאתו . וי...
To the book |
|
|