|
|
ויהיו חיי שרה מאה שנה ועשרים שנה ושבע שנים וכו / ותמת שרה וכו . ' ויקם אברהם מעל פני מתו לבקש קבר לקבור את שרה אשתו . וילך וידבר אל בני חת יושבי הארץ לאמר : גר ותושב אנכי עמכם בארצכם , תנו לי אחוזת קבר בארצכם ואקברה את מתי מלפני . ויאמרו בני חת אל אברהם : הנה הארץ לפניך , במבחר הארץ קבור מתך , כי לא ימנעו איש מקבור מתך . ויאמר אליהם אברהם : אם יש את נפשכם בדבר הזה לכו יבקשו לי מעפרון בן צוחר לאמר , ויתן לי את מערת המכפלה אשר בקצה שדהו ואקנה אותה ממנו באשר חפץ בה . ועפרון יושב בתוך בני חת . וילכו ויקראו אליו ויבוא לפני אברהם . ויאמר עפרון אל אברהם : הנה כל אשר תחפוץ לפניך אותו יעשה עבדך . ויאמר אברהם , לא , כי קנה אקנה המערה והשדה אשר לך במחיר לאחוזת קבר עד עולם . ויען עפרון ויאמר : הנה השדה והמערה לפניך , את אשר תחפוץ תן . ויאמר אברהם : כי בכסף מלא אקנה אותה מידך ומיד באי שער עירך ומיד זרעך עד עולם . וישמע עפרון וכל אחיו לדבר הזה , וישקול אברהם לעפרון ארבע מאות שקל כסף ביד עפרון וביד כל אחיו . ויכתוב אברהם את הדבר הזה בספר ויחתום ויעד ארבעה עדים . ואלה שמות העדים : אמיגל בן אבישוע החתי...
To the book |
|
|