|
|
וירא אליו ה' באלוני ממרא , וישלח אליו שלשה מלאכים ממשרתיו לבקרו . ויהי הוא יושב פתח אהלו , וישא עיניו וירא והנה שלשה אנשים באים מרחוק . ויקם וירץ לקראתם , וישתחו להם , ויביאם אל ביתו . ויאמר אליהם : אל נא אם מצאתי חן בעיניכם , סורו נא ואכלו פת לחם . ויפצר בם , ויסורו אליו , ויתן מים וירחצו רגליהם , ויושיבם תחת העץ פתח האהל . וירץ אברהם ויקח עגל בן בקר רך וטוב , וימהר וישחטהו ויתנהו אל עבדו אליעזר לעשותו . ויבוא אברהם אל האהל אל שרה , ויאמר אליה : מהרי שלש סאים ועשי קמח סלת , לושי ועשי עגות לכסות ציר הבשר , ותעש כן . וימהר אברהם ויבא לפניהם חמאה בקר וחלב צאן , ויתן לפניהם לאכול טרם בשל את בשר העגל , ויאכלו . ואחרי כן הביא את בשר העגל אשר עשה , וישם לפניהם ויאכלו . ויהי כאשר כילו לאכול ויאמרו אליו : שוב אשוב אליך כעת חיה , והנה בן לשרה אשתך . ואחרי כן קמו משם האנשים וילכו להם לדרכם אשר נשלחו אליה . בימימה הם היו כל אנשי סדום ועמורה וכל חמשת הערים האלה רעים וחטאים לה' מאד , ויכעסו את ה' בכל תועבותיהם . ויגבהו ויעשו תועבות ונאצות לפני ה / ותגדל רעתם וצעקתם מאד לפני ה' בימים ההם . ותהי להם ...
To the book |
|
|