|
|
63 הגות מדינית אנטי-פוליטית וישב משה לשפוט את העם ויעמוד העם על משה מן הבוקר עד הערב . וירא חותן משה את כל אשר הוא עושה לעם ויאמר מה הדבר הזה אשר אתה עושה לעם מדוע אתה יושב לבדך וכל העם ניצב עליך מן בוקר עד ערב . ויאמר משה לחותנו כי יבוא אלי העם לדרוש אלוהים . כי יהיה להם דבר בא אלי ושפטתי בין איש ובין רעהו והודעתי את חוקי האלוהים ואת תורותיו . ויאמר חותן משה אליו לא טוב הדבר אשר אתה עושה . נבול תיבול גם אתה גם העם הזה אשר עמך כי כבד ממך הדבר לא תוכל עשהו לבדך . עתה שמע בקולי איעצך ויהי אלוהים עמך : היה אתה לעם מול האלוהים והבאת אתה את הדברים אל האלוהים . והזהרתה אתהם את החוקים ואת התורות והודעת להם את הדרך ילכו בה ואת המעשה אשר יעשון . ואתה תחזה מכל העם אנשי חיל יראי אלוהים אנשי אמת שונאי בצע ושמת עליהם שרי אלפים שרי מאות שרי חמישים ושרי עשרות . ושפטו את העם בכל עת והיה כל הדבר הגדול יביאו אליך וכל הדבר הקטון ישפטו הם והקל מעליך ונשאו אתך . אם את הדבר הזה תעשה וצווך אלוהים ויכולת עמוד וגם כל העם הזה על מקומו יבוא בשלום . וישמע משה לקול חותנו ויעש כל אשר אמר . ויבחר משה אנשי חיל מכל יש...
To the book |
|
|