מבוא

מ ב ו א 8 מסכת יבמות ( ו ) והיה הבכור אשר תלד יקום על שם אחיו המת ולא ימחה שמו מישראל . ( ז ) ואם לא יחפץ האיש לקחת את יבמתו ועלתה יבמתו השערה אל הזקנים ואמרה מאן יבמי להקים לאחיו שם בישראל לא אבה יבמי . ( ח ) וקראו לו זקני עירו ודברו אליו ועמד ואמר לא חפצתי לקחתה . ( ט ) ונגשה יבמתו אליו לעיני הזקנים וחלצה נעלו מעל רגלו וירקה בפניו וענתה ואמרה ככה יעשה לאיש אשר לא יבנה את בית אחיו . ( י ) ונקרא שמו בישראל בית חלוץ הנעל . רות ד', א - י ( א ) ובעז עלה השער וישב שם והנה הגאל עבר אשר דבר בעז ויאמר סורה שבה פה פלני אלמני ויסר וישב . ( ב ) ויקח עשרה אנשים מזקני העיר ויאמר שבו פה וישבו . ( ג ) ויאמר לגאל חלקת השדה אשר לאחינו לאלימלך מכרה נעמי השבה משדה מואב . ( ד ) ואני אמרתי אגלה אזנך לאמר קנה נגד הישבים ונגד זקני עמי אם תגאל גאל ואם לא יגאל הגידה לי ואדע כי אין זולתך לגאול ואנכי אחריך ויאמר אנכי אגאל . ( ה ) ויאמר בעז ביום קנותך השדה מיד נעמי ומאת רות המואביה אשת המת קניתי [ קנית ] להקים שם המת על נחלתו . ( ו ) ויאמר הגאל לא אוכל לגאול [ לגאל ] - לי פן אשחית את נחלתי גאל לך אתה את גאלתי כי...  To the book